तुरंबव येथे मृदागंध ग्रुपने केली मुलींच्या आरोग्याबाबत जनजागृती

• कृषिभूषण डॉ. तानाजीराव चोरगे शिक्षण व संशोधन संस्थेचा उपक्रम

चिपळूण कृषिभूषण डॉ. तानाजीराव चोरगे शिक्षण व संशोधन संस्था संचलित गोविंदरावजी निकम कृषी महाविद्यालय मांडकी पालवण येथील भुमिकन्यानी ग्रामीण कृषी कार्यानुभव कार्यक्रमा अंतर्गत चिपळूण तालुक्यातील तुरंबव गावामधील शाळेमध्ये मुलींच्या आरोग्याबाबत जनजागृती केली.

या प्रसंगी डॉ.रुपाली गाडेकर .तसेच आशा स्वयंसेविका सौ. प्रतीक्षा सावंत उपस्थित होत्या. ह्या भूमिकन्या 21 जून रोजी गावात ग्रामीण कृषी कार्यानुभव अंतर्गत दाखल झाल्या आहेत.

या विद्यार्थीनी जून ते सप्टेंबर या कालावधीत गावामध्ये राहून शेती विषयक माहितीची देवाण घेवाण करणार आहेत. तसेच विद्यापीठाने शिफारस केलेल्या नवनवीन जाती, विकसित तंत्रज्ञान जास्तीत-जास्त शेतकऱ्यांपर्यंत पोहोचवणार आहेत.

या उपक्रमाच्या अंतर्गत  विद्यार्थ्यांनी ग्रामपंचायत तुरंबव येथे भेट दिली.