तुरळ ग्रा. पं. कार्यालयात दोन दिवसीय आधार नोंदणीसह केवायसी कॅम्पचे आयोजन
रत्नागिरी : आधार केंद्रचालक देवरुख यांच्यामार्फत संगमेश्वर तालुक्यातील तुरळ ग्रामपंचायत कार्यालय येथे दि. १९ व २० जून २०२३ रोजी आधार के.वाय.सी. कॅम्प आयोजित करण्यात आला आहे.
नवीन आधार क्रमांकासाठी नोंदणी, अस्तित्वात असलेले आधार अपडेट करणे तसेच आधार संदर्भातील बायोमेट्रिक माहिती अपडेट करण्यासाठी हा दोन दिवसीय कॅम्प आयोजित करण्यात आला आहे.
तुरळ ग्रामपंचायत कार्यालयात आयोजित करण्यात आलेल्या या शिबिराच्या शुभारंभ प्रसंगी सहदेव विठ्ठल सुवरे, ग्रामविकास अधिकारी व्ही के. राजेशिर्के, ग्रामपंचायतचे सदस्य रामचंद्र हरेकर, सिद्धार्थ मोहिते, माजी सरपंच अरविंद जाधव, तंटामुक्ती समितीचे अध्यक्ष रमेश डिके, गावातील अंगणवाडी सेविका तसेच ग्रामस्थ उपस्थित होते.
दिनांक 20 रोजी देखील हे शिबिर सुरू राहणार असल्याने या सेवेचा ग्रामस्थांनी लाभ घेण्याचे आवाहन करण्यात आले आहे.
