पत्रकार कै. विलास होडे यांचा देवरुख येथे उद्या १५ वा स्मृतिदिन

देवरुख : पत्रकार कै. विलास होडे यांचा १५ वा स्मृतिदिन १ जुलै रोजी देवरुख येथे सकाळी १०.३० वाजता कुणबी भवन देवरुख येथे संपन्न होत आहे. या कार्यक्रमासाठी आमदार शेखर निकम, माजी राज्यमंत्री रविंद्र माने, माजी आमदार सुभाष बने अविनाश लाड, राजन देसाई, प्रकाश कांबळे, बाळासाहेब पाटणकर, सुरेश भायजे, अभिजीत हेगशेट्ये, संजीव अणेराव, चंद्रकांत परवडी, राजन इंदुलकर आदी मान्यवर उपस्थित रहाणार आहेत.

यावेळी विलास होडे यांच्या कार्यावर आधारित २०० पानी रंगीत गौरव ग्रंथ प्रकाशित करण्यात येणार असून विविध मान्यवरांचा गौरव करण्यात येणार आहे. या कार्यक्रमाला सर्वांनी उपस्थित रहावे असे आवाहन युयुत्सु आर्ते , शांताराम भुरवणे, सुरेश पातेरे यांनी केले आहे.