रत्नागिरीतील सागरी विद्यापीठ स्थापनेला गती
उच्च व तंत्र शिक्षण मंत्री चंद्रकांत दादा पाटील यांचे जिल्हाधिकाऱ्यांना जागा निश्चितीचे आदेश
मुंबई : रत्नागिरी जिल्ह्यातील उच्च व तंत्र शिक्षण विभागाच्या विविध विषयांबाबत ना. चंद्रकांत दादा पाटील यांच्या अध्यक्षतेखाली मुंबईतील सिंहगड येथील शासकीय निवासस्थानी बैठक पार पडली. यावेळी सागरी विद्यापीठासाठी जागा निश्चित करण्याचे आदेश त्यांनी रत्नागिरीच्या जिल्हाधिकाऱ्यांना दिले. यासाठी आगामी हिवाळी अधिवेशनात सागरी विद्यापीठ कायदा विधिमंडळात आणला जाईल, असे यावेळी आश्वस्त केले.
रत्नागिरी जिल्ह्यात शासकीय विधी महाविद्यालय स्थापन करण्याबाबत उपमुख्यमंत्री देवेंद्र फडणवीसजी यांच्याकडे पुन्हा प्रस्ताव सादर करण्याच्या सूचना ना. पाटील बैठकीत दिल्या.
या बैठकीला रत्नागिरीचे पालकमंत्री तथा उद्योगमंत्री उदय सामंत, सार्वजनिक बांधकाम मंत्री रविंद्र चव्हाण, प्रधान सचिव विकासचंद्र रस्तोगी, जिल्हाधिकारी एम. देवेंद्र सिंह, तंत्रशिक्षण संचालक डॉ विनोद मोहितकर आदी वरिष्ठ अधिकारी उपस्थित होते.
