चित्रकला स्पर्धेत तळवडेतील जगन्नाथ गंगाराम पेडणेकर माध्यमिक विद्यालयाचे सुयश
लांजा : रत्नागिरी जिल्हा माध्यमिक व उच्च माध्यमिक शाळा मुख्याध्यापक संघ विद्या समिती आयोजित जिल्हास्तरीय चित्रकला स्पर्धेत पेडणेकर माध्यमिक शाळेची रुद्रा राजेंद्र झोरे हिने ‘वनभोजन ‘ या विषयावर काढलेल्या चित्रांला जिल्हास्तरावर द्वितीय क्रमांकाचे पारितोषिक प्राप्त झाले आहे.
या विद्यार्थिनीला रविवारी न्यू इंग्लिश स्कूल, लांजा येथे झालेल्या एका कार्यक्रमामध्ये आमदार डॉ. राजन साळवी यांच्या हस्ते रोख रक्कम रु.500 व प्रमाणपत्र देवून सन्मानित करण्यात आले. रुद्रा हिला श्री. हर्चेकर प्रकाश प्रदीप यांचे मार्गदर्शन लाभले.
या यशासाठी रुद्रा हिचे व मार्गदर्शकांचे तळवडे शिक्षणोत्तेजक संस्था, मुंबईचे अध्यक्ष डॉ. आनंद जगन्नाथ पेडणेकर, मुंबई कमिटी, स्थानिक कमिटी व शाळा समितीचे सर्व पदाधिकारी, मुख्याध्यापक श्री. पाटील डी. बी. सर्व शिक्षक – शिक्षकेतर वर्ग, पालक वर्ग तसेच संस्थेचे व विद्यालयाचे हितचिंतक यांनी अभिनंदन करून पुढील वाटचालीस शुभेच्छा दिल्या आहेत.
