रत्नागिरी : जिल्हा अधीक्षक भूमी अभिलेख यांच्या अधिनस्त असलेल्या विविध उपअधीक्षक भूमी अभिलेख कार्यालयांच्यावतीने राबविण्यात आलेल्या ‘सेवा संकल्प अभियाना’ला जिल्ह्यात उत्स्फूर्त प्रतिसाद मिळाला आहे.
१७ सप्टेंबर ते १७ ऑक्टोबर या एका महिन्याच्या कालावधीत जिल्ह्यातील ६ तालुक्यांमधील ३९ गावांमध्ये एकूण १,००७ सनदांचे यशस्वी वाटप करण्यात आले असून, त्याद्वारे शासनाच्या तिजोरीत ८,५६,५१३ रुपयांचे शुल्क जमा झाले आहे. या अभियानांतर्गत प्रलंबित सनदांचे काम युद्धपातळीवर पूर्ण करून नागरिकांना मालमत्तेचे हक्क अधिकृतपणे सुपूर्द करण्यात आले.
