Konkan Railway | चिपळूण-संगमेश्वर दरम्यान २६ ऑक्टोबरला रेल्वेचा तीन तासांचा मेगाब्लॉक
जनशताब्दीसह नेत्रावती एक्सप्रेस च्या वेळापत्रकावर होणारे परिणाम
रत्नागिरी : तसेच मडगाव ते कुमटा दरम्यान मेगा ब्लॉक घेण्यात येणार आहे. मार्गावरील देखभाल दुरुस्तीच्या कामासाठी हा मेगाब्लॉक घेतला जाणार आहे.
या संदर्भात कोकण रेल्वेने दिलेल्या माहितीनुसार चिपळूण ते संगमेश्वर दरम्यान दि. 26 ऑक्टोबर रोजी सकाळी साडेसात ते साडेदहा या वेळेत तर दोन असा मेगा ब्लॉक मडगाव ते कुमटा स्थानकादरम्यान घेण्यात येणार आहे.
चिपळूण संगमेश्वर दरम्यानच्या मेगाब्लॉकचा परिणाम होणाऱ्या गाड्या
1) नागपूर ते मडगाव 01139 ही दिनांक 25 ऑक्टोबर रोजी प्रवास सुरू होणारी गाडी कोलाड ते चिपळूण दरम्यान शंभर मिनिटे रोखून ठेवली जाईल.
2) मुंबई सीएसएमटी ते मडगाव (12052) ही दिनांक 26 रोजी ची जनशताब्दी एक्सप्रेस कोलाड -चिपळूण दरम्यान 40 मिनिटे थांबवून ठेवली जाणार आहे.
3) तिरुअनंतपुरम सेंट्रल ते लोकमान्य टिळक टर्मिनस नेत्रावती एक्सप्रेस (16346) ही दिनांक 25 ऑक्टोबर रोजी प्रवास सुरू होणारी गाडी दुसऱ्या दिवशी 26 रोजी रत्नागिरी ते संगमेश्वर दरम्यान 40 मिनिटे थांबवून ठेवली जाणार आहे.
मडगाव ते कुमठा दरम्यानच्या मेगाब्लॉकचा परिणाम होणाऱ्या गाड्या
1) मंगळूर सेंट्रल ते मडगाव दरम्यान धावणारी 06602 ही दिनांक 26 रोजी ची गाडी कुमठा स्थानकापर्यंत चालवली जाईल.
2) मेगा ब्लॉकमुळे 06601 मडगाव ते मंगळूर दरम्यान धावणारी 26 ऑक्टोबर ची विशेष गाडी आपला प्रवास कुमठा स्थानकावरून पुढे मंगळुरूच्या दिशेने सुरू करणार आहे. मडगाव ते कुमठा दरम्यान ही गाडी रद्द केली जाईल.
