Konkan Railway | दिवाळीसाठी पहा कोणत्या दोन नवीन विशेष ट्रेन झाल्या जाहीर!
LTT ते सावंतवाडी आणि तिरुअनंतपुरम स्पेशल ट्रेन्स घोषित; २७ सप्टेंबरपासून बुकिंग सुरू
मुंबई : आगामी पूजा आणि दिवाळी सणाच्या काळात होणारी प्रवाशांची अतिरिक्त गर्दी लक्षात घेता भारतीय रेल्वेने विशेष गाड्या चालवण्याचा निर्णय घेतला आहे. मुंबईतील लोकमान्य टिळक टर्मिनस (LTT) वरून कोकणातील सावंतवाडी रोड आणि दक्षिण भारतातील तिरुअनंतपुरम नॉर्थसाठी पूजा आणि दिवाळी स्पेशल ट्रेन्स चालवल्या जाणार आहेत. या गाड्यांचे बुकिंग २७ सप्टेंबर २०२६ पासून सुरू होत आहे.
१. LTT – सावंतवाडी रोड – LTT पूजा स्पेशल (ट्रेन क्र. ०११७९)
कोकणात जाणाऱ्या प्रवाशांसाठी LTT – सावंतवाडी रोड विशेष गाडी चालवली जाणार आहे.
- ट्रेन क्रमांक: ०११७९ (LTT ते सावंतवाडी रोड)
- कालावधी: ०९/१०/२०२६ ते २०/११/२०२६
- वार: साप्ताहिक – दर शुक्रवारी (Weekly FRI)
- एकूण फेऱ्या: ०७ फेऱ्या
- बोगींची रचना (Composition): २४ LHB कोच (२ LWLRRM, ८ स्लीपर, ८ ३-AC, १ पॅन्ट्री कार, ४ २-AC, १ १-AC)
२. LTT – तिरुअनंतपुरम नॉर्थ पूजा स्पेशल (ट्रेन क्र. ०१४६३)
दक्षिण भारताकडे जाणाऱ्या प्रवाशांच्या सुविधेसाठी LTT ते तिरुअनंतपुरम दरम्यान ही ट्रेन धावेल.
- ट्रेन क्रमांक: ०१४६३ (LTT ते तिरुअनंतपुरम नॉर्थ)
- कालावधी: १५/१०/२०२६ ते १९/११/२०२६
- वार: साप्ताहिक – दर गुरुवारी (Weekly THU)
- एकूण फेऱ्या: ०६ फेऱ्या
- बोगींची रचना (Composition): २२ ICF कोच (११ स्लीपर, ५ जनरल/GS, ४ ३-AC, २ SLR)
तिकीट बुकिंग माहिती:
या विशेष गाड्यांचे तिकीट बुकिंग २७ सप्टेंबर २०२६ पासून रेल्वेच्या संगणकीय आरक्षण केंद्रांवर (PRS Counter) तसेच IRCTC च्या अधिकृत संकेतस्थळावर (www.irctc.co.in) सुरू होईल. प्रवाशांनी या विशेष सेवेचा लाभ घ्यावा असे आवाहन रेल्वे प्रशासनातर्फे करण्यात आले आहे.
