गणेशोत्सवासाठी चिपळूणवासियांसाठीही आली खुशखबर!!

चिपळूणपर्यंतच्या प्रवाशांसाठी ८ डब्यांची स्वतंत्र मेमू स्पेशल गाडी धावणार!

रत्नागिरी : येत्या गणेशोत्सवात चिपळूणपर्यंत येणाऱ्या गणेश भक्तांसाठी खुशखबर आली आहे. दिवा ते चिपळूण मार्गावर दिनांक 13 सप्टेंबर पासून 3 ऑक्टोबर 2023 पर्यंत मेमू स्पेशल गाडी चालवण्यात येणार आहे. पूर्णपणे अनारक्षित असलेल्या या गाडीमुळे मुंबईहून गणेशोत्सवासाठी गावी येणाऱ्या चाकरमान यांना मोठा दिलासा मिळाला आहे. दिनांक 13 सप्टेंबर ते ३ ऑक्टोबर 2023 या कालावधीत युवा चिपळूण मेमू स्पेशल गाडीच्या एकूण 36 फेऱ्या होणार आहेत.

दिवा ते चिपळूण मेमू स्पेशल 01155/01156 गाडी दिवा येथून रात्री सात वाजून 45 मिनिटांनी सुटून चिपळूणला ती दुसऱ्या दिवशीच्या रात्री एक वाजून 25 मिनिटांनी पोहोचणार आहे.
चिपळूणला आलेली मेमू स्पेशल गाडी दुसऱ्या दिवशी दिनांक 14 सप्टेंबर ते 3 ऑक्टोबर 2023 या कालावधीत दुपारी १ वाजता सुटून त्याच दिवशी रात्री सात वाजता ती दिवा जंक्शनला पोहोचेल.

दिवा चिपळूण मेमू स्पेशल गाडीचे थांबे

पनवेल, पेण, रोहा, कोलाड, इंदापूर, माणगाव, गोरेगाव, वीर, सापे वामने, करंजाडी, विन्हेरे, दिवाणखवटी, कळंबणी, खेड तसेच अंजनी.

दिवा ते चिपळूण ही आठ डब्यांची गाडी असेल. पूर्णपणे अनारक्षित असलेल्या या गाडीमुळे नियमित तसेच विशेष गाड्यांचे कन्फर्म आरक्षण न मिळालेल्या प्रवाशांना मोठा दिलासा मिळाला आहे. याआधी कोकण रेल्वे तसेच मध्य रेल्वेने रत्नागिरी पर्यंत धावणारी मेमू स्पेशल गाडी देखील जाहीर केली आहे.

हेही वाचा : Konkan Railway | नागपूर -मडगावसह जबलपूर- कोईमतूर विशेष एक्सप्रेसना मुदतवाढ